ప్రేమికుల మధ్య ‘కరోనా’ చిచ్చు.. డాక్టర్‌ను చంపిన నర్సు, ఊహించని ట్విస్ట్!

Latest Information | Indian Servers | News | Breaking News |

Don't forget to subscribe to email notifications to get all latest jobs directly to your email daily.

ఒకే హాస్పిటల్‌లో పనిచేస్తున్న ఆ ప్రేమ జంట మధ్య కరోనా వైరస్ చిచ్చుపెట్టింది. ఆ వ్యాధి సోకిందనే భయం హత్యకు దారి తీసింది. ఈ ఘటనలో ట్విస్టు ఏమిటంటే..

కరోనా వైరస్ (Covid 19) ప్రపంచాన్ని ఎంతగా భయపెడుతుందో తెలిసిందే. ఈ వైరస్‌ను అంతం చేయడానికి వైద్యులు, పరిశోధకులు రేయింబవళ్లు శ్రమిస్తు్న్నారు. దీంతో ఎన్నడు లేనంత ఒత్తిడిని ఎదుర్కొంటున్నారు. రోజు రోజుకు పెరుగుతున్న కేసుల వల్ల వైద్య సిబ్బందికి పని ఒత్తిడి పెరుగుతోంది. ఇలాంటి సమయంలో వారి వ్యక్తిగత జీవితం దాదాపు కనుమరుగవుతోంది. ఇదిగో ఈ ప్రేమ జంట పరిస్థితి కూడా ఇదే. ఎప్పుడూ హ్యాపీగా ఉండే ఈ జంటకు కరోనా వైరస్ విలన్‌గా మారింది. ఇన్నాళ్లు కలిసిమెలసి జీవించిన ఆ ప్రేమికుల మధ్య చిచ్చు పెట్టింది. వైరస్ సోకిందనే భయం.. హత్యకు కూడా దారి తీసింది. చక్కని భవిష్యత్తు కోసం కలలుగన్న ఆ డాక్టరమ్మ జీవితం మధ్యలోనే ముగిసిపోయింది. ఆమె హత్య ఘటన.. తల్లిదండ్రులకు తీరని శోకం మిగిల్చింది.

ఇటలీకి చెందిన ఆంటోనియో డి పేస్ (28) అనే నర్సు మంగళవారం పోలీసులకు ఫోన్ చేశాడు. తాను పనిచేస్తున్న సిసిలీయాన్ హాస్పిటల్‌లో డాక్టర్‌గా పనిచేస్తున్న ప్రియురాలు లోరెనా క్వారంటా (27)ను హత్య చేశానని, తాను కూడా ఆత్మహత్య చేసుకుంటున్నానని తెలిపాడు. దీంతో పోలీసులు హుటాహుటిన అతడు నివసిస్తున్న అపార్టుమెంటుకు వెళ్లారు.

రక్తపు మడుగులో ప్రేమ జంట

పోలీసులు వెళ్లేసరికి ఇద్దరూ రక్తపు మడుగులో పడివున్నారు. క్వారంటా కడుపులో కత్తి పోట్లు ఉన్నాయి. పేస్ చేతిపై కత్తితో కోసుకున్న గాయాలున్నాయి. దీంతో ఇద్దరినీ హాస్పిటల్‌కు తరలించారు. అయితే, డాక్టర్ క్వారంటా అప్పటికే ప్రాణాలు విడిచింది. కొన ఊపిరితో ఉన్న పేస్‌ను వైద్యులు ఎంతో కష్టపడి రక్షించారు.

కరోనా సోకిందనే భయంతో..

పోలీసుల విచారణలో పీస్ షాకింగ్ విషయాన్ని చెప్పాడు. క్వారంటా వల్ల తనకు కరోనా వైరస్ వచ్చిందని, అందుకే ఆమెను చంపేశానని చెప్పాడు. దీంతో పోలీసులు ఇద్దరి శాంపిల్స్ పరీక్షించాలని వైద్యులకు తెలిపారు. ఇందులో ట్విస్టు ఏమిటంటే ఇద్దరికీ కరోనా నెగటీవ్ అని రిపోర్టుల్లో తేలింది. అయితే, పీస్ అనవసరమైన భయంతో ఆమెను హత్య చేశాడా, లేదా ఇద్దరి మధ్య ఏమైనా స్పర్థలు ఉన్నాయా అనే కోణంలో విచారణ జరుపుతున్నారు.

మరణానికి ముందు.. కదిలించే మెసేజ్

క్వారంటా తన మరణానికి కొద్ది రోజుల ముందు ఫేస్‌బుక్‌లో పెట్టిన పోస్టు కదిలిస్తోంది. ‘‘మనం జీవితంపై ఎంతో బాధ్యత, ప్రేమను పదర్శించాల్సిన సమయం ఇది. మీ మీద, మీ కుటుంబం మీద దేశం మీద గౌరవాన్ని ప్రదర్శించాలి’’ అని రాసింది. మరో పోస్టులో ‘‘మీకు ప్రాణం పోసేందుకు తమ జీవితాలను త్యాగం చేస్తున్న వ్యక్తుల గురించి ఆలోచించాలి’’ అని పేర్కొంది. కరోనా వైరస్ నేపథ్యంలో ఆమె ఈ వ్యాఖ్యలు చేసినట్లు తెలుస్తోంది.

బాధలో మరో బాధ..

క్వారంటా తల్లిదండ్రులు వేరే నగరంలో ఉంటున్నారు. ఉద్యోగరీత్యా క్వారంటా మెస్సీనాలో ఉంటోంది. క్వారంటా చనిపోయిందనే సమాచారం తెలియగానే ఆమె తల్లిదండ్రులు కన్నీరు మున్నీరయ్యారు. లాక్‌డౌన్ వల్ల క్వారంటా శవాన్ని చూసేందుకు కూడా వారికి అవకాశం దక్కలేదు. మెస్సీనాలో ఉన్న వారి కుటుంబ సభ్యులే క్వారంటాకు అంత్యక్రియలు జరిపారు. ఆమె చనిపోయిందనే బాధే కాకుండా, చివరి చూపుకు కూడా నోచుకోలేదనే బాధతో తల్లిదండ్రులు మరింత కుమిలిపోతున్నారు.

News...Technological news...Government Services.... Jobs information...Movies everything is available in our website IndianServers Pls bookmark our site for latest stuff Remember : Indian Servers is the source for more trusted and Authenticated news

ఒత్తిడి వల్లే హత్యా?

ఇటలీలో కరోనా వైరస్ కేసులు ఏ స్థాయిలో నమోదయ్యాయో తెలిసిందే. రోగులను రక్షించేందుకు వైద్యులు రేయింబవళ్లు శ్రమిస్తున్నారు. దీంతో తీవ్రమైన ఒత్తిడికి గురవ్వుతున్నారు. ఈ కారణం వల్ల కూడా ఆ జంట మధ్య ఏమైనా స్పర్థలు వచ్చి ఉంటాయనే అనుమానం ఉంది. ప్రస్తుతం ఇటలీలో కరోనా వైరస్ మరణాలు 13 వేలు దాటాయి. పరిస్థితి ఇంకా అదుపులోకి రాకపోవడంతో లాక్‌డౌన్ కొనసాగుతోంది.

Samcomm Technologies Freshers Recruitment | PHP Developer | Bangalore

SmartDrive Systems Freshers Recruitment | Analyst | Hyderabad

Comments

comments

Leave a Reply

Your email address will not be published. Required fields are marked *

eighteen − eighteen =

This site uses Akismet to reduce spam. Learn how your comment data is processed.