Makar Sankranti Chaturthi 2020, Top 10 Stories About Makar Sankranti

Latest Information | Indian Servers | News | Breaking News |

Don't forget to subscribe to email notifications to get all latest jobs directly to your email daily.

కోరిన కోర్కెలు తీర్చే.. సంకష్టహర చతుర్థి ప్రత్యేక ఏమిటి?

సంకష్టి చతుర్థి; గణేశుడిని ప్రత్యేక పూజలతో ఆరాధించే పవిత్రమైన రోజు. దీన్ని ప్రతి పౌర్ణమికి నాలుగో రోజు లేదా హిందూ మతక్యాలెండర్ ప్రకారం కృష్ణ పక్షాన జరుపుకుంటారు. మహిళలు వారివారి కుటుంబక్షేమం కోసం చేసే పూజలలో సంకష్టి చతుర్థి చాలా వేగవంతంగా ప్రసిద్ధి చెందింది. సంకష్టి అంటే కష్టకాలం నుండి విమోచన కలగటం. అందువలన, ఈ వ్రతం ఆచరించటం వలన భగవాన్ గణేష్ ఒక వ్యక్తి జీవితంలో అన్ని సమస్యలు మరియు అన్ని అడ్డంకులను నిర్మూలిస్తాడని నమ్ముతారు. సంకష్టి చతుర్థి రోజున పగలంతా కఠినమైన ఉపవాసముండి, రాత్రి చంద్రుని చూసిన తరువాత ఉపవాస దీక్ష విరమిస్తారు.

సంకష్టి చతుర్థిని ప్రతి నెల జరుపుకుంటారు. ప్రతి నెలలో, గణేషుడిని వేరువేరు పేరున మరియు పీఠం (లోటస్ పుష్ప రేక)ను పూజిస్తుంటారు. ప్రతి నెల జరుపుకునే సంకష్టి చతుర్థిన భగవాన్ గణేశుడికి పూజలు జరిపిన తరువాత కథాశ్రవణం కూడా చేస్తారు. భగవాన్ గణేశుడికే కాకుండా ,మహాదేవుడు అయిన శివునికి కూడా పూజలు. జరుపుతారు.

సంకష్టి చతుర్థి యొక్క పురాణము మరియు ప్రాముఖ్యతను గురించి తెలుసుకుందాం రండి:

సంకష్టి చతుర్థి పురాణ గాథ గణేశుడి కథ మనందరికీ తెలిసిందే! దేవతామూర్తి అయిన పార్వతిదేవి అభ్యంగన స్నానం ఆచరించే ముందు ఆమె శరీరానికి పట్టించిన నలుగుపిండితో గణేశుడిని సృష్టించింది. అప్పుడే ఆమె ఆ బాలుని కొడుకుగా స్వీకరించింది. ఒక రోజున ఆమె స్నానం ఆచరించటానికి వెళుతూ ఆ బాలుని ద్వారం వొద్ద కాపలాగా ఉంచింది. అదే సమయంలో శివుడు తన గణాలతో ఇంటిలోనికి ప్రవేశించాలని ప్రయత్నించాడు. ఆ ప్రయత్నానికి గణేశుడు అడ్డుపడి వెళ్ళనివ్వలేదు.

సంకష్టి చతుర్థి పురాణ గాథ ఆ బాలుడు తమ కుమారుడే అని గుర్తించని శివుడు, తనకు కలిగిన అవరోదానికి ఆగ్రహించి ఆ బాలుని సంహరించమని తన గణాలను ఆదేశించాడు. ఆ పోరాటంలో, తల్లి ఆజ్ఞ పాటిస్తున్న ఆ ఘటనలో గణేశుడి తలను నరికేశారు.

పార్వతి విషయం తెలుసుకుని ఆగ్రహంతో ఆదిశక్తిగా మారింది. విశ్వమంతా నాశనం చేయటానికి సిద్ధపడింది. అప్పుడు శివుడు విషయం తెలుసుకుని తన భార్య ఆగ్రహావేశాలను చూసి, ఆ బాలుని తలకు బదులుగా, ఒక ఏనుగు తలను అతికించి జీవం పోశాడు. ఆ బాలుని విశ్వమంతా బుద్ధి,జ్ఞానం మరియు శ్రేయస్సుకు అధిపతిగా పూజిస్తారని శివుడు వరమిచ్చాడు.

అప్పటి నుండి వినాయకుడు ఏ వేడుకలో అయినా మొదటి పూజ అందుకుంటున్నాడు మరియు అతను అన్ని అడ్డంకులు తొలగించే దైవం అని ప్రజలు నమ్ముతారు. ఈ వరం శివుడు సంకష్టి చతుర్థి రోజున భగవాన్ గణేశుడికి ప్రసాదించాడని ఒక నమ్మకం. అందువలన, ప్రజలు వారి జీవితాల్లో అన్ని అడ్డంకులను వదిలించుకోవటం కోసం సంకతారా లేదా విఘ్నహర్తుడిని పూజిస్తారు.

సంకష్టి చతుర్థి గొప్ప ప్రాముఖ్యతను కలిగి ఉంది. ఈ పూజను కుటుంబం యొక్క సౌభాగ్యం మరియు శ్రేయస్సు కోసం నిర్వహిస్తారు. ఈ సంకష్టి చతుర్థి పూజ సాయంత్రం చంద్రుని వీక్షించిన తర్వాత నిర్వహిస్తారు. మొదటగా వినాయకుని విగ్రహం స్వచ్ఛమైన వేదిక మీద ఉంచుతారు. పూలు మరియు గడ్డితో పూజిస్తారు. ఉండ్రాళ్ళు మరియు కుడుములు వంటి పిండివంటలు గణేశుడికి నైవేద్యంగా సమర్పిస్తారు.

News...Technological news...Government Services.... Jobs information...Movies everything is available in our website IndianServers Pls bookmark our site for latest stuff Remember : Indian Servers is the source for more trusted and Authenticated news

చంద్రుని చూసిన తరువాత ఈ వ్రతాన్ని ప్రారంభిస్తారు. పూజ అయిన తరువాత వ్రతకథా శ్రవణం జరుపుతారు. ఈ పూజను సాధారణంగా దంపతులు తమ కుటుంబం వృద్ధి చెందాలని జరుపుకుంటారు.

మన జీవితంలో ఎదురవుతున్న ఎలాంటి అడ్డంకునైనా తొలగించేందుకు, ఎలాంటి సమస్యనైనా పరిష్కరించేందుకు వినాయకుడి అనుగ్రహం చాలా అవసరం. ఆ వినాయకుడిని ప్రసన్నం చేసుకునేందుకు మన దగ్గర ఓ ఉపాయం ఉంది. అదే సంకటహర చతుర్థి!

పౌర్ణమి తర్వాత వచ్చే చవితిని సంకటహర చతుర్థి అని పిలుస్తారు. ఆ రోజు కనుక వినాయకుని పూజిస్తే ఎలాంటి గ్రహదోషాలైనా తీరిపోతాయట. పెళ్లి కాకపోవడం, పిల్లలు లేకపోవడం లాంటి కష్టాలూ తొలగిపోతాయి. ఆర్థిక సమస్యలన్నీ దూరమైపోతాయి. ఈ పూజ చేసేవాళ్లు సూర్యోదయానికి ముందే నిద్ర లేవాలి. తలస్నానం చేసి పూజగదిని శుభ్రం చేసుకోవాలి. ఆ రోజంతా ఉపవాసం ఉండాలి. పాలు, పండ్లు, పచ్చికూరలు మాత్రం తీసుకోవచ్చు.

ఇక సాయంత్రం సూర్యాస్తమ సమయానికి అంటే సుమారు ఆరుగంటలకు వినాయకుడి పటానికి గరికతో చేసిన దండ వేసి, ఉండ్రాళ్లను నైవేద్యంగా పెట్టి, దీపం వెలిగించాలి. ఆ తర్వాత చంద్రుడిని లేదా నక్షత్రాలని చూశాక కానీ ఉపవాసాన్ని విరమించకూడదు. ఇంట్లో పూజ ముగిసిన తర్వాత వీలైతే దగ్గరలో ఉన్న వినాయకుడి గుడికి వెళ్లి 3, 11 లేదా 21 ప్రదక్షిణలు చేయాలి.

కొంతమంది ఈ రోజు సంకటహర చతుర్థి వ్రతాన్ని కూడా చేస్తారు. దాని కోసం వినాయకుడి ముందు తెలుపు లేదా ఎర్రటి జాకెట్‌ గుడ్డని పరిచి, అందులో పసుపుకుంకుమలు వేయాలి. మనసులో ఉన్న కోరికను తల్చుకుని ఆ గుడ్డలో మూడు గుప్పిళ్లు బియ్యం పోయాలి. ఆపై రెండు ఖర్జారాలు, రెండు వక్కలు, దక్షిణ వేసి మూటకట్టాలి. ఈ ముడుపుని స్వామి ముందు ఉంచి టెంకాయ కొట్టి నైవేద్యం చేసి… సంకటహర చతుర్థి వ్రతకథని చదువుకోవాలి.

ఈ వ్రతాన్ని3,5,11, లేదా 21 నెలల పాటు చేయాలి. ఈ వ్రతాన్ని చివరగా చేసే రోజున ముడుపు కట్టిన బియ్యాన్ని తీసి ప్రసాదం చేసి స్వామికి నివేదించాలి. ఇలా చేస్తే మనసులో ఉన్న ఎలాంటి కోరికైనా తీరిపోతుందంటున్నారు. ఒకవేళ సంకటహర చతుర్థి రోజున ఉపవాసం ఉండటం కానీ, వ్రతం చేయడం కానీ కుదరకపోయినా ఫర్వాలేదు. ఆ రోజు ఓ నాలుగుసార్లు సంకటనాశన గణేశ స్తోత్రాన్ని చదివి దగ్గరలో ఉన్న వినాయకుని గుడికి వెళ్లినా కూడా ఆ స్వామి ప్రసన్నం అవుతాడట.

Comments

comments

Leave a Reply

Your email address will not be published. Required fields are marked *

five × 4 =

This site uses Akismet to reduce spam. Learn how your comment data is processed.